Напаѓачот на Арсенал, Пјер-Емерик Обамејанг, се надева дека во новата сезона ќе се израдува на победничкиот пехар во Премиер лигата.
„Нашиот тим сака да го извлече максимумот од секој турнир. Би било одлично да се освои трофејот на крајот од сезоната. Првенството е нашиот приоритет, но, ќе биде тешко а ние го знаеме тоа. Лично, сакам да помогнам колку што можам со моите голови и асистенции. Мислам дека ќе биде многу добра сезона“ вели Обамејанг.
„Добро е што дојдов во Арсенал во јануари и имав шест месеци да се навикнам на шампионатот, земјата и културата – затоа сега сум подготвен за мојата прва вистинска сезона. Во почетокот не беше лесно, тоа беа многу големи промени, беше тешко да се фати ритамот, но, сега сум подготвен” – нагласи напаѓачот на Арсенал.