Набил Фекир речиси сигурно ќе остане во Лион за претстојната сезона, објави претседателот на клубот Жан-Мишел Ола.
Фудбалерот беше сериозно поврзуван за преминување во Ливерпул, но не успеа на медицинските прегледо. Се зборуваше дека Реал Мадрид исто така го сака овој играч, но до таков договор не дојде.
Трансфер периодот во Шпанија и Италија останува отворен, додека тој во Англија веќе е затворен, но првиот човек на Лион ги увери навивачите дека Фекир останува.
„Сите играчи сакаат да преминат во поголеми клубови, што е разбирливо. Нашето однесување кон Набил сепак, ќе биде исто како што беше и кон неговите поранешни соиграчи”, изјави Ола пред клупскиот телевизиски канал.
„Се разбира ќе треба да почекаме до крајот на трансфер периодот, но можам да кажам дека веројатноста тој да остане кај нас е 95%. Навивачите го сакаат, а и Лион е одличен фудбалски град”, додаде Жан-Мишел Ола.
Фекир го пропушти мечот и победата над Амиен вчера, бидејќи подоцна се вклучи на екипата, но пред дуелот беше дел од свеченоста каде го покажа освоениот медал од СП во Русија.