Од петокот се укинуваат дел од итните антивирусни мерки кои во декември беа воведени во Премиер лигата поради бранот заразени со Омикрон. Вака одлучија клубовите од Премиер Лигата на денешниот состанок.
Од утре веќе не е задолжително носење маски во затворени простории, се намалува временскиот рок за процедури за опоравување, а задолжителното тестирање на играчите и вработените се намалува на два пати неделно, кое стапува на сила од понеделник. Премиерлигата во официјалното соопштение најави дека редовно ќе се разгледуваат и останатите вонредни мерки, а ставот е дека сите ќе бидат укинати на крајот на месецот.
At today’s Premier League Shareholders’ meeting, it was decided to remove a number of the COVID-19 Emergency Measures from Friday, 11 February
Full statement: https://t.co/3V22Wl7cO6 pic.twitter.com/WAeikknKSA
— Premier League (@premierleague) February 10, 2022
Премиерот на Обединетото Кралство Борис Џонсон веќе ја објави својата намера да ги отстрани сите ограничувања од почетокот на март. Затоа денес клубовите се собраа за да разговараат како англискиот фудбал ќе продолжи во овие променливи околности.