Во минатото 25-то коло од Серија А беа одложени 4 натпревари заради епидемијата на коронавирус во Италија. Тоа се Интер – Сампдорија, Аталанта – Сасуоло, Торино – Парма и Верона – Каљари.
Сепак, оваа одлука може да предизвика хаос во програмата на Калчо лигата, бидејќи овие тимови немаат многу слободни датуми за да ги презакажат натпреварите, пренесува „Газета дело Спорт“. Најтешка е ситуацијата со кандидатот за титулата Интер поради неговото учество во Лигата на Европа и Купот на Италија.
Единствениот можен нов датум за Аталанта – Сасуоло е 18 март, бидејќи екипата од Бергамо се уште игра во Лигата на шампионите и се скоро сигурни дека ќе се квалификуваат во 1/8 финалето по победата од 4:1 над Валенсија во првиот натпревар.
За Торино – Парма ситуацијата е поповолна, со две опции – или на 4 март или на 11 март. Клубовите ја дадоа својата согласност во двата случаи, а сакаат да играат пред навивачи. Најверојатно Верона – Каљари ќе играат на 11 март.