Завршено е со трансферот на Џанлуиџи Донарума во ПСЖ. Младиот италијански репрезентативен голман е нов член на клубот од Париз, со кој потпиша договор кој ќе има важност до 2026 година.
Европскиот првак со Италија заминува од Милан како слободен играч по осум години поминати во оваа екипа и се приклучи на „светците“.
Во Париз, Донарума според најавите ќе добие годишна плата од 12 милиони евра, а во наредните пет години може да исполни и разни дополнителни бонуси. Последната понуда на Милан беше за четири милиони евра пониска, па голманот се реши за нов предизвик во кариерата.
Целиот трансфер беше договорен за време на Европското првенство, но двете страни решија да се официјализира по крајот на ЕП. Донарума ќе треба да се бори за местото прв голман во екипата со Кејлор Навас, кој имаше одлична сезона по која што го продолжи договорот со клубот. На штотуку завршеното Европско првенство, Донарума беше еден од главните алку во екипата и на крајот го доби признанието најдобар играч на ЕП.