Шпанскиот стручњак Луис Енрике е назначен за нов тренер на Пари Сен Жерме. Ова беше објавено на прес-конференција во Париз.
Да напоменеме дека почетокот на прес-конференцијата посветена на претставувањето на новиот тренер неколку пати беше одложувана.
Како и потпишувањето на официјалните документи, преговорите со Кристоф Галтие за раскинување на договорот се одолговлекуваа поради финансиски спорови, како и поради ситуацијата во која се најде Галтие.
Самиот тренер ќе се соочи со судење за наводи за расизам и дискриминација подоцна оваа година.
По назначувањето на Луис Енрике за тренер а ПСЖ тој ја даде и првата изјава:
„Одушевен сум што се приклучувам на ПСЖ, ќе уживам во новото искуство. Навистина е возбудливо да запознаеш нови луѓе, да живееш во овој град и да учиш нов јазик. Над сè тоа, највозбудливо е што ќе бидам тренер на овој клуб“, изјави Енрике.
Енрике беше без работа од јануари 2023 година, кога ја напушти шпанската репрезентација откако беше елиминиран од Светското првенство во 1/8 финалето од Мароко. Шпанскиот стручњак има освоено девет трофеи за време на неговиот престој во Барселона. Неговиот договор со ПСЖ е до 2025 година.