Словенечкиот голман во редовите на Атлетико Мадрид Јан Облак потпиша нов договор со шпанскиот клуб, објавија на официјалниот сајт на клубот. Новиот договор ќе го задржи Облак на „Ванда Метрополитано“ до 30 јуни 2023 година.
Облак пристигна во клубот во текот на летото 2014 година, кога Атлетико Мадрид го купи од португалскиот гигант Бенфика. Младиот голман на Олимпија Љубљана има веќе над 200 натпревари во дресот на Атлетико и во над 100 од нив имал „сува мрежа”.
Облак е избиран за најдобар фудбалер на Словенија во изминатите 4 години, а во сезоната 2015/16 и сезона 2016/17 беше дел од идеалниот тим на годината на Лигата на шампионите. Во сезоната 2017/18, пак, беше дел од идеалниот тим на годината во Лига Европа.
„Многу сум среќен со продолжувањето на договорот и со тоа што сум тука. Ќе бранам боите на овој клуб со сите сили и ќе продолжам да работам напорно”, изјави 26-годишниот голман.