Играчот од средниот ред на Манчестер Јунајтед, Пол Погба, открил дека неговата куќа била ограбена за време на натпреварот против Атлетико во 1/8-финалето на Лигата на шампионите. Во тој момент во куќата биле неговите деца.
„Најлошиот кошмар на нашето семејство се случи минатата ноќ кога нашата куќа беше ограбена додека нашите деца спиеја во нивната спална соба. Разбојниците беа во нашата куќа помалку од пет минути, но за тоа време ни зедоа нешто повредно од се што имавме дома… нашето чувство на сигурност е нарушено. Тоа се случи во последните минути од вчерашниот натпревар кога знаеја дека нема да бидеме дома. Јас и сопругата побрзавме дома, не знаејќи дали нашите деца се добро или не. Како татко, можам да кажам дека нема полошо чувство на овој свет од тоа да не можеш да бидеш таму за да ги заштитиш твоите деца, и искрено се надевам дека никој никогаш нема да го почувствува она што јас го чувствував синоќа. Поради оваа причина би сакал да понудам награда за секој што има некаква информација за да ни помогне“, напиша Погба на Твитер.
Да потсетиме, по резултатите од два натпревари, Манчестер Јунајтед загуби од Атлетико Мадрид со вкупен резултат 1:2 и испадна од Лигата на шампионите.
— Paul Pogba (@paulpogba) March 16, 2022