Горан Пандев синоќа испиша историја и за Македонија и за Серија А.
На дуелот од 32. коло во Серија А лигата против екипата на Беневенто, нашиот најдобар фудбалер за само 21. минута успеа двапати да ја затресе мрежата на гостите, а со тоа да стигне и до неверојатната бројка од 100 гола во своите настапи во италијанската Серија А.
Пандев од 2003 година со првиот гол против Анкона, па до синоќешните два во дресот на Џенова дојде до фантастична бројка, која досега не ја направил ниту еден макеоднски фудбалер во ТОП 5 лигите во Европа.

