Дефанзивецот на Баерн Минхен, Бенжамин Павар ќе го пропушти централниот натпревар од седмото коло на германскиот шампионат со Борусија Дортмунд, објави „Спорт Билд“.
Причината е повредата, чија природа е непозната. Првично, тренерот на Баерн Ханзи Флик изјави дека има можност за учество на Павар во натпреварот, но синоќа стана познато дека играчот не заминал за Дортмунд. Освен Павар, во на оваа средба ќеги нема дефанзивците Никлас Зуле и Алфонсо Дејвис.
Бенжамин Павар се приклучи на Баерн Минхен од друг германски клуб, Штутгарт во 2019 година. Како дел од тимот од Минхен, Французинот ја освои шампионската титула, Купот на Германија и Суперкупот, како и Лигата на шампионите и Суперкупот на УЕФА. Покрај тоа, Павар е светски шампион со репрезентацијата на Франција.
Натпреварот на „Сигнал Идуна Парк“ се игра вечерва од 18.30 часот, а во овој натпревар двете екипи влегуваат со освоени 15 бода и се на водечките две места на табелата, со тоа што Баерн е прв поради подобрата гол разлика.

