Академија Пандев и Силекс утре од 19.00 на Арената во Скопје ќе го одиграат финалниот меч во фудбалскиот Куп на Македонија. Победникот ќе обезбеди квалификации за новото натпреварување на УЕФА, Конференциската лига.Тоа дополнително ги мотивира двата тима.
„Можеби ни е полесно и сме порелаксирани затоа што обезбедивме опстанок, но, ќе бидеме максимално фокусирани. Ние сме бранители на титулата и ќе се обидеме трофејот да остане во нашите витрини“ – вели Александар Васовки тренерот на Академија Пандев.
„Очекувам многу квалитетен натпревар. За двете екипи е императив победата и по мое мислење шансите се 50-50, нека победи подобриот. Пред 24 години Силекс го загуби пехарот, сега сакаме да го вратиме назад“ – нагласи на денешната средба со новинарите Горан Симов тренерот на Силекс.

