Капитенот на Рома, Лоренцо Пелегрини по вчерашниот дебакл на неговиот тим на гостувањето кај Бодо/Глимт во Конференциската лига на УЕФА, изјави дека тој и играчите им должат извинување на навивачите.
„Немам многу што да кажам. Можам само да се извинам. Кажавме што треба да правиме во соблекувалната и тоа останува таму. Понекогаш ви треба шлаканица за да научите. Денеска ја примивме сосема заслужено. Мора да научиме нешто од овој срам“, рече Пелегрини по натпреварот.

