Напаѓачот на фудбалскиот состав Вест Хем, Лукас Перез, ги негираше информациите дека во текот на викендот одбил да влезе на теренот на мечот со Евертон кога неговиот тим успеа да победи како гостин со 3 спрема 1.
„Со оглед на невистинитите информации дистрибуирани во медиумите треба да објаснам што навистина се случи. Во целата кариера никогаш не сум одбил да одам на загревање. Во Вест Хем играчите кои седат на клупата се загреваат од 3 до 5 минути и тоа се врти во круг“ – вели Перез.
„Кога Марко Арнаутович беше повреден, седнав на клупата по загревањето. Тренерот ми даде знак дека ќе влегувам во игра, но, потоа ја промени одлуката и го пушти Антонио. Таа ситуација е веројатно погрешно протолкувана. Како професионалец секогаш ја прифаќам одлуката на тренерот и така ќе продолжам да работам” – напиша Перез на неговиот профил на – „Твитер“.