Петар Чех официјално се врати на „Стемфорд Бриџ“. 37-годишниот поранешен голман, кој стави крај на својата фудбалска кариера на крајот од сезоната, ќе работи како технички советник и тимски советник. Чехот ќе работи заедно со Марина Грановскаја, која денес лично го претстави Чех и ја најави неговата нова улога.
Чех дојде за прв пат во Челзи во 2004 година, а во 11 сезони тој беше прв голман на „Сините од Лондон“. Во летото 2015 година ја напушти екипата и кариерата ја продолжи во Арсенал.
„Се чувствувам привилегиран што имам можноста да се вклучам повторно во Челзи и да помогнам за постигнување на уште подобри резултати. Се надевам дека ќе продолжиме со успесите кои ги имаше клубот во последните 15 години. Со нетрпение го чекам новиот предизвик. Сакам да го искористам целото мое фудбалско знаење и искуство за да му помогнам на тимот да постигне поголем успех во иднина”, рече Чех.
„Среќни сме што го имаме повторно Петер во нашиот клуб. За време на својата кариера како фудбалер тој беше еден од најпознатите, успешни и вистински професионалци со кои сме работеле. Секогаш сме се надевале дека кога тој одлучи да стави крај на кариерата , ќе го видиме назад во Челзи”, изјави Марина Грановскаја.