Актуелниот тренер на Милан, Стефано Пиоли денеска ќе потпише нов договор со клубот, објави новинарот Николо Шира на својот Твитер профил.
Според него, зделката е веќе завршена. Пиоли ќе го продолжи договорот со клубот до 2023 година со опција за ре-продолжување до 2024 година. Тој во иднина ќе добива плата во висина од 3 милиони евра годишно, плус бонуси.
Пиоли го презеде клубот во октомври 2019 година, заменувајќи го Марко Џампаоло на оваа позиција. Во јули 2020 година, тој беше блиску до отказ, а неговото требаше да го заземе Ралф Рангник, кој сега стана шеф за спорт и развој на московски Локомотив.