Тренерот на Милан, Стефано Пиоли го коментираше ремито со Борусија (Дортмунд) (0:0) во второто коло од групната фаза во Лигата на шампионите.
„Во првото полувреме ни недостасуваше техника и ефикасност, а во вториот дел имавме добри шанси, но не можевме да ги искористиме. Тоа што не постигнавме гол на првите два меча од Лигата на шампионите треба да не предупреди дека треба нешто да менуваме. Сакавме да победиме тоа е јасно.
Милан своите идеи со свои карактеристики ги промовира во Италија и Европа. Во ова натпреварување темпото е побрзо, а се зголемува и интензитетот на играта. Игравме со многу силен тим, силен и издржлив, со големо искуство во Лигата на шампионите, но одигравме добро и во одбрана и во напад“, изјави Пиоли за „Газета дело Спорт“.
По две кола Милан е на третото место со 2 бода во групата Ф со Њукасл (4 бода), ПСЖ (3 бода) и Борусија Дортмунд (1 бод).

