Тренерот на Милан Стефано Пиоли изјави дека очекувал повеќе од неговиот тим на натпреварот против Рома, меч кој го загубија со 1:2.
Росонерите направија многу грешки во одбраната, и токму тоа беше потенцирано од Пиоли. Под негово водство, тимот сè уште не победил, откако во предходното коло одиграа 2:2 на домашен терен против Лече.
„Секако. дека очекував да играме подобро и да постигнам подобар резултат. Ние сме Милан и не можеме да си дозволиме вакви грешки што не чинат важни поени. Натпреварот можеше да биде многу различен. Бевме премногу наивни во одредени ситуации. Знаевме дека Рома ќе нè притиска во одредени зони, но сепак не ја одржувавме концентрацијата и неколку пати им ја дававме топката. Моравме да направиме нешто со центрирањето“, беше критичен Пиоли.
„Нашиот настап денес беше чекор наназад од нашата игра против Лече. Кога топката се движи бавно, тешко е да се влезе во гол шанса. Против ривал на исто ниво, треба да бидеме попрецизни во нападот. Не притискавме кога домаќинот беше ранлив. И кога го презедоа водството, тие веќе имаа можност за контра напад“, изјави Пиоли.

