Предводникот на Тотенхем, Маурисио Почетино ги сподели своите впечатоци од победата над Баерн во последниот натпревар од предсезонскиот турнир во Минхен, „Ауди Куп“. Средбата се одигра на стадионот „Алијанц Арена“ во Минхен и заврши со резултат 2:2 (6:5 на пенали за Тотенхем).
„Јас сум задоволен од играта на мојот тим во текот на двата дена. За нас беше важно да го завршиме турнирот со позитивен резултат. Среќни сме што успеавме да го освоиме овој турнир. Победата за време на претсезонската подготовка е секогаш корисна“ изјави Почетино.
Да потсетиме во борба за третото место на турнирот Реал Мадрид го совлада Фенербахче со резултат 5:3. Во последната сезона од Премиер лигата, Тотенхем го освои четвртото место во англиската Премиер лига и стигна до финалето од Лигата на шампионите, каде го загуби од Ливерпул. Амбициите на клубот и оваа година се висок пласман во Англија и добар настап во Лигата на шампионите.