Денеска повторно се враќаат фудбалските возбудувања во Лигата на шампионите. По двомесечна пауза на програмата се дуелите од осминафиналето, кои вечерва ни носат први две пресметки во битка за трофејот.
фаворити за трофејот – Манчестер Сити и Реал Мадрид.
Актуелните европски шампиони, Манчестер Сити гостуваат во Копенхаген, додека „Кралскиот клуб“ гостува кај РБ Лајпциг на нашиот Елиф Елмас.
Реал имаше одлично загревање за дуелот победувајќи го директниот ривал за титулата во Ла Лига, Џирона со 4-0 на домашен терен. Сепак, успехот на „кралевите“ остана во сенка на повредата на Џуд Белингем. Англискиот интернационалец постигна два гола, но беше принуден да го напушти теренот, а според информациите сега го чека пауза од околу еден месец.
Во меѓувреме, Манчестер Сити, кој стигна до посакуваниот трофеј на најпрестижниот клупски турнир во Европа минатата година по победата од 1-0 над Интер, има навидум лесна задача против дански Копенхаген. „Граѓаните“ ја продолжуваат битката на три фронта, затоа што се на чело на Премиер лигата, имаат шанси да го одбранат трофејот од ФА Купот и секако да ја одбранат титулата во ЛШ. За РБ Лајпциг на нашиот Елмас денешниот дуел и реваншот ќе бидат исклучителен предизвик за успех.
ЛИГА НА ШАМПИОНИ
ОСМИНАФИНАЛЕ (први средби)
21.00 ФК Копенхаген – Манчестер Сити
21.00 РБ Лајпциг – Реал (М)

