Шпекулациите за иднината на Пол Погба продолжуваат да се зголемуваат, а според последните информации на британските медиуми, францускиот фудбалер на Манчестер Јунајтед бил загрозен со парична казна, ако даде погрешни изјави во јавноста. Тој дојде во Манчестер Јунајтед пред две години за 105 милиони евра, а сега кандидат за неговиот потпис е Барселона.
25-годишниот Погба помина многу тешки години под водство на Жозе Мурињо, кој сепак му изгласа доверба во натпреварот против Лестер и дури го направи капитен. Португалецот потоа го пофали играчот за неговото претставување, но медиумите во Англија продолжуваат да тврдат дека двајцата имаат проблеми меѓу себе. „Секогаш ќе го давам најдоброто за навивачите и за моите соиграчи, без разлика што се случува”, напиша Погба на Инстаграм, а повеќе луѓе тоа го толкуваат како дел од тековен спор со Мурињо.
Неделните весници пак објавија уште една чудна изјава од Погба: „Има работи кои не можам да ги кажам, бидејќи ќе бидам казнет. Кога луѓето имаат доверба во тебе, ти не мислиш за несакани работи и е далеку полесно. Јас секогаш играм за навивачите, за соиграчите и за луѓето кои имаат доверба во мене“ изјави Погба.