Пол Погба беше еден од најголемите херои на Манчестер Јунајтед во победа од 3:2 над Манчестер Сити. Французинот постигна два гола на овој натпревар.
„Граѓаните” имаа шанса да ја освојат титулата во Премиер лигата, но Полгба постигна два гола најнапред за израмнување, а потоа неговата екипа го сврте резултатот и не му дозволи на градскиот ривал да ја слави титулата, а тоа му беше мило на Погба што не дозволи тоа да се случи.
„Се разбира дека е одлично што постигнав два гола, но уште подобро е што го победивме Манчестер Сити и не дозволивме да не победат и да ја слават титулата пред своите навивачи, а со победа над нас. Мило ми е, но во исто време сум и малку разочаран, бидејќи со играта која покажавме во второто полувреме, можевме да сме многу поблизу до Манчестер Сити на табелата и да се бориме за титулата. Но, таков е фудбалот. Тоа се случува. Сега треба да почнеме да работиме и да се подготвуваме за следната сезона и да не ги повторуваме грешките што ги направивме за време на оваа сезона”, изјави Погба.