Фудбалерот од средниот ред на Манчестер Јунајтед, Пол Погба, спроведува тренинзи еден на еден со Мајкл Керик за да биде подготвен доколку продолжи сезоната во Премиер-лигата која е прекината поради панедмијата на корона-вирусот.
Французинот се опорави од операцијата на десниот глужд и сега се обидува да ја врати физичката кондиција. Минатата недела медиумите на островот информираа, дека Погба е подготвен да потпише нов договор затоа што верува дека ќе биде одличен тандем со Бруно Фернандес во средниот ред на „црвените ѓаволи“.
Погба до прекинот на сезоната или подобро речено додека не се повреди, има одиграно само осум натпревари за тимот од „Олд Трафорд“.