Тренерот на ПСЖ, Маурисио Покетино беше крајно разочаран по тешкиот пораз од 3:0 од Монако во францускиот шампионат. Ова е четврти последователен пораз за тимот на гости.
„Ова е срамно и неприфатливо. На ниту еден натпревар не можеме да пристапиме така. Треба да застанеме на нозе и да ставиме крај на очајот предизвикан од испаѓањето од Лигата на шампионите. Сите се виновни и мора да престанеме да наоѓаме изговори. Не покажавме дух да се бориме против екипа која исто беше повредена по елиминацијата од европските турнири“, вели Покетино.
„Нашето прво полувреме беше незамисливо. Можеме да губиме натпревари и да играме слабо, но не можеме да си дозволиме вакво нешто. Работите се сериозни. Мора да најдеме решение“, додаде тренерот на парижани.