Главниот тренер на ПСЖ, Маурисио Покетино ја коментираше победата на тимот во натпреварот од второто коло во групната фаза од Лигата на шампионите против Манчестер Сити.
„Тимот одигра добро. Поминавме низ голем број тешки моменти и моравме да се браниме пред нашиот гол, бидејќи Манчестер Сити исто така беше многу добар. Но, прикажавме и одличен фудбал, нападнавме кога беше потребно. Тимот се гради со тек на време, чекор по чекор. Ваквите натпревари помагаат во тоа. Моите играчи имаа брилијантен натпревар и треба да им честитам за ова“, изјави Покетино за официјалната веб-страница на УЕФА.
ПСЖ има четири бода од два натпревари и се наоѓа на првата позиција во групата А, додека Манчестер Сити има 3 бода и е втор. Во следното коло Манчестер Сити ќе се соочи со Клуб Бриж, додека ПСЖ ќе игра против РБ Лајпциг.