Селекторот на репрезентацијата на Холандија, Роналд Куман, нема да може да го предводи шпанскиот гигант Барселона од наредната година.
Тој има обврски да работи со репрезентацијата до крајот на Евро 2020, а откако турнирот беше одложен до 2021 година заради коронавирусот, тој останува со обврски во репрезентацијата на Холандија, пренесуваат медиумите во Холандија.
Неговиот договор има клаузула која му дозволува да го напушти местото на селекторот на репрезентацијата на Холандија по завршувањето на Европското првенство, но во него не се наведени датуми. Договорот на Куман е со важност до 2022 година, а Барселона е единствениот тим што тој има право да го води по ЕП.
Роналд Куман играше за Барселона како играч од 1989 до 1995 година, во овој период четири пати стана шампион на Шпанија и го освои Купот на шампиони.