Македонија загуби од Италија на гостувањето во Рим на „Олимпико“ со 5:2, а со тоа ја прекина серијата на добри резултати против оваа репрезентација. Одигравме многу лошо прво полувреме во кое губевме со 3:0 и сосема солидно второ полувреме во кое ја вративме неизвесноста се до пред самиот крај на натпреварот.
Првите сериозни возбудувања беа пред голот на нашата репрезентација, во 13.минута Распадори доби топка во празно успеа да постигне гол, но главниот судија го поништи оправдано поради офсајд позиција.
Ова како да беше најава на водството на Италија кое дојде во 17.минута по изведениот корнер, Матео Дармиан беше сам на втората статива и со глава го совлада Столе Димитриевски за водство на Италија од 1:0. Во продлжението од натпреварот Италија беше поактивна пред голот на нашата репрезентација, а Македонија се обидуваше преку контра да создаде шанса за гол. Во 40 минута поради играње со рака во нашиот шеснаесетник на Серафимов беше досуден пенал кој Жоржињо го изведе, но Димитриевски го одбрани неговиот удар. За жал само една минута подоцна по изведениот аут и мешаницата во нашиот казнен простор, одбиената топка дојде до Киеза кој со силен и прецизен удар го постигна голот за водство на Италија од 2:0. Во моментите кога се очекуваше крај на првиот дел уште еден шок за нашата репрезентација, Киеза успеа по левата страна да се избори за позиција покрај Манев и да упати удар, а топката доби една чудна парабола и заврши во голот на Димитриевски за 3:0 со кои се отиде на одмор.
На стартот на вториот дел во 52.минута, радост на трибините кај нашите навивачи, Алиоски нафрли во шеснаесетникот на Италија, Јани Атанасов убаво се уфрли и со глава го совлада Донарума за намалување на резултатот на 3:1.Во 74.минута од натпреварот нова радост за нашата репрезентација, Барди го проигра Атанасов тој од голема далечина упати удар, топката го закачи Ачерби и го измами голманот Донарума за намалување на водството на Италија на 3:2.

Во моментите кога се надевавме дека можеме до уште едно изненадување, Распадори во 81.минута успеа да го совлада Димитревски за водство на Италија од 4:2. Впечатокот во второто полувреме ни го расипа Стефан Ел Шарави со голот во 94.минута за водство и убедлива победа од 5:2 на Италија против Македонија.
Нашата репрезентација во понеделник ја чека ппоследниот натпревар со Англија на арената „Тодор Проески“ каде ќе имаат поддршка од исполнетите трибини на нашиот најголем стадион.

