Неколку дена се преговараше на релација Јувентус – Милан , а се беше одблокирано во преговорите откако Гонзало Игуаин се согласи на трансфер во Милан.
Во целиот договор е вклучена и трампата меѓу Калдара и Бонучи, но и одредена сума на пари која треба да ја добие Јувентус. Главниот проблем бил околу платата која ја барал Игуаин, тој барал да добива 9 милиони евра годишно, за раслика од 7,5 милиони евра кои ги добиваше во Јувентус. Сепак околу тоа не дошло до договор, па Игуаин ќе ја има истата плата во Милан.
Финалните преговори меѓу менаџерот на Игуаин, Николас инаку брат на Гонзало и спортскиот директор на Милан, Леонардо траеле до 3 часот по полноќ и завршиле успешно. Останува само еден момент спорен, а тоа е дали Игуаин ќе потпоше до 2022 или 2023 година. Актулениот договор со Јувентус му истекува во 2020 година. Договорено е тој да се пресели со позајмица во Милан за сума од 18 милиони евра, а наредната година Милан да го откупи за дополнителни 36 милиони евра. Ваквата формула за реализацијата на овој трансфер е направена поради проблемите со финансиски фер плеј кои ги има тимот од Милано.
Исто така Лонардо Бонучи ќе се врати во Јувентус, а неговото место во Милан ќе го завземе Калдара, двајцата играчи беа проценети на сума меѓу 35-40 милиони евра, и јасно е дека Јувентус загуби неколку милиони евра бидејќи не ја прифати понудата на Челзи за калдара која беше со висина од 45 милиони евра.