Откако беа одиграни и последните натпревари од плеј-оф колото за пласман во Лигата на шампионите комплетирани се сите учесници во најелитното фудбалско натпреварување во Европа.
Последните три места ги пополнија екипите на Бенфика, ПСВ Ајндховен и Црвена Ѕвезда, екипа која по цели 26 години обезбеди пласман во групната фаза од ова натпреварување.
Според рејтингот кој го имаат екипите, еве како изгледаат шеширите пред ждребката за групната фаза од Лигата на шампионите:
Прв шешир: Реал Мадрид, Атлетико Мадрид, Јувентус, Баерн Минхен, БАрселона, ПСЖ, Манчестер Сити и Локомотив Москва
Втор шешир: Борусија Дортмунд, Порто, Манчестер Јунајтед, Шахтјор, Наполи, Бенфика, Тотенхем и Рома.
Трет шешир: Шалке 04, Ајакс, Монако, Олимпик Лион, ЦСКА Москва, Ливерпул, ПСВ и Валенсија.
Четврти шешир: Бриж, Галатасарај, Интер, АЕК, Хофенхајм, Викторија Плзен, Јанг Бојс и Црвена Звезда.
Вечерва на посебна церемонија која започнува од 18 часот ќе бидат извлечени натпреварувачките групи за новата сезона од Лигата на шампионите.
Титулата ја брани Реал Мадрид, а финалето ќе се игра на стадионот „Метрополитано“ во Мадрид на 1.јуни 2019 година.