Продолжува кризата со повредените дефанзивци во Арсенал. Уште еден од стартните фудбалери во составот на Унаи Емери ќе биде неизвесен за дербито со Ливерпул.
Станува збор за Ектор Белерин кој има повреда и не се знае дали ќе успее да ја санира до овој натпревар. Шпанецот заработи повреда во на десниот мускул за време на натпреварот со Кристал Палас (2:2) и беше принудно заменет. Тој не се најде во составот на Унаи Емери за дуелот со Блекпул од Лига Купот, а има голема веројатност да го пропушти и дуелот со Ливепул од 11-то коло на Премиер Лигата кој се игра во сабота.
Белерин е петтиот дефанзивец на Арсенал, кој моментално е надвор од комбинација. Другите четворица се Лорен Кошчелни, Начо Монреал, Константинос Мавропанос и Сеад Колашинац.
Арсенал беше во серија од 11 победи во сите натпреварувања, а ја прекина оваа серија со нерешените 2:2 против Кристал Палас. Тимот од Северен Лондон е на 4-то место, на 4 поени од Манчестер Сити и Ливерпул.