Пари Сен Жермен ќе биде кандидат за купување на „Стад де Франс“ што го најави државата, тврди весникот „Л‘Екип“. Продажбата на спортскиот објект треба да се случи летото 2025 година. Бидејќи преговорите со градското собрание на Париз за можното купување на „Паркот на принцовите“, историскиот стадион на ПСЖ, се во ќорсокак, клубот се позиционира како можен купувач на „Стад де Франс“, кој има капацитет од 80.000 и неговата цена, според државата, изнесува 647 милиони евра.
Државата објави две понуди за „Стад де Фрас“ на 7 март, една за нова концесија, а барателите треба да поднесат документи до 27 април до 12:00 часот. Со стадионот, кој беше изграден за Светското првенство во 1998 година, досега стопанисуваа две гигантски компании – „Винчи“ и „Буиг“. ПСЖ сакаше да започне со реконструкција на „Паркот на принцовите“ и да го зголеми неговиот капацитет од 47.000 на 58.000 седишта, што би чинело 500 милиони евра.
Според катарските сопственици на клубот, тоа е можно само доколку ПСЖ го купи спортскиот објект, но Градското собрание на Париз не покажало желба да го продаде. Опцијата бр.1 на ПСЖ останува купувањето на „Паркот на принцовите“, иако градоначалничката на Париз, Ан Идалго изјави дека стадионот „не е на продажба“.
Втората опција е клубот да го купи „Стад де Франс“ и да го реконструира како „вистински фудбалски стадион“. Во оваа опција, сепак, клубот останува да ја сподели, бидејќи според понудата „во следните 25 години“ таму ќе продолжат да се одржуваат натпревари на националните фудбалски и рагби репрезентации на Франција. Може да има организација на други големи настани – финалиња на европски фудбалски и рагби турнири, Европско фудбалско првенство, светски првенства во фудбал и рагби.
И третата можност е ПСЖ да изгради нов стадион, кој ќе биде во близина на Париз или во западниот дел на градот – во Поаси, каде ќе биде сместен идниот тренинг центар на тимот.