Францускиот шампион ПСЖ е голем фаворит за ангажирање на играчот од Реал Мадрид Иско, пренесуваат медиумите во Париз.
Лично претседателот на клубот Насер Ал-Келаифи се сретнал со агентот на шпанскиот репрезентативец – неговиот татко Пако Аларкон. Самиот играч е заинтересиран да оди во Париз, иако сака да игра под раководство на Пеп Гвардиола во Манчестер Сити.
Клубскиот колега од „Сантијаго Бернабеу” Карим Бензема сепак му кажал одлични зборови за француската престолнина и Иско се согласил да премине кај „принцовите”. Проблем за можниот трансфер може да биде тоа што ПСЖ има проблем со финансискиот фер плеј. Купувањето на Шпанецот ќе бара продажба на друга ѕвезда.Да потсетиме дека Иско сака да го напушти Реал поради скандалот со новиот тренер Сантијаго Солари. Неговото име е поврзано и со Јувентус и Ливерпул.