ПСЖ се пласираше во финалето на Лигата на шампионите повеќе од заслужено, откако го совлада РБ Лајпциг со 3:0.
Парижаните постигнаа гол на својот 34 последователен натпревар во Лигата на шампионите и со тоа го изедначија рекордот на Реал Мадрид, кој исто така има серија од 34 натпревари во Лигата на шампионите со најмалку еден постигнат гол помеѓу 2011 и 2014 година. За последен пат ПСЖ не постигна гол на натпревар во најпрестижното клупско натпреварување во април 2016 година, кога загубија со 0:1 од Манчестер Сити.
Статистичарите објавија уште еден интересен факт. ПСЖ е веќе тимот на кој му требаа најмногу натпревари за да стигне до финалето во Лигата на шампионите. Синоќешниот натпревар беше број 110 за оваа екипа во Лигата на шампионите.
Досега рекордот за повеќето натпревари одиграни пред финалето во Лигата на шампионите му припаѓаше на Арсенал. „Топџиите“ одиграа 90 натпревари во КЕШ / ЛШ помеѓу 1971 и 2006 година пред да можат да го подигнат трофејот, но загубија од Барселона 1:2.