Раџа Наинголан официјално се врати во Каљари. Играчот од средниот ред на Интер оди во оваа екипа со позајмица од една година, без опција за купување по завршувањето на позајмицата.
31-годишниот играч од средниот ред стана играч на Интер минатото лето, откако го напушти тимот на Рома. Неговата сезона беше полна со повреди и проблеми надвор од теренот, а со доаѓањето на Антонио Конте, новиот тренер објави дека Белгиецот не е дел од неговите планови.
Наинголан играше за Каљари од 2010 до 2014 година и изјави дека е многу задоволен што повторно ќе го носи дресот на оваае екипа. „Отсекогаш сакав да се вратам, но не мислев дека ќе се случи тоа оваа година. Среќен сум што се случи ова. Не беше тешко да се избере Каљари, иако имав други понуди“, рече Раџа Наинголан.