Поранешниот фудбалер и тренер на Лацио, Роберто Рамбауди истакна дека „римските орли“ во јануарскиот преоден рок мора да се фокусираат на изнаоѓање решение за левата бековска позиција.
„На Лацио во јануари му требаат бекови. Ако би можел, би потпишал со двајца, но лев бек е приоритет. Еве ќе кажам дека ми се допаѓа Миранда. Би го потпишал и Сом, а потоа и еден централен напаѓач, па дури и крилен играч би бил добар. На Лацио му требаат засилувања“, смета Рамбауди.

