Само една недела по големиот триумф на „Ел Класико“, играчите на Реал Мадрид синоќа дозволија со пораз на гостувањето кај Бетис, повторно да ја вратат Барселона на челното место во Ла Лига. Капитенот Серхио Рамос прв даде изјава веднаш по завршувањето на средбата во Севиља, истакнувајќи дека ова беше една очајна престава на тимот.
„Резултатот е повеќе од праведен. Мора да бидеме самокритични, ова беше очајна игра. Кога работите не ги правите на теренот онака како што тренираме цела седмица, на крајот се случува ова. Бетис го играше својот фудбал, бевме многу неконстантни. Моравме да имаме поголем интензитет на ваков меч. За наша среќа, има уште многу за игра, ако сакаме да бидеме шампиони, не смееме да пропуштаме вакви шанси. Треба брзо да реагираме и да се надеваме дека првиот тим на табелата ќе киксне“, изјавил Рамос.