Големиот талент на Манчестер Јунајтед, Маркус Рашфорд, е разочаран од фактот што менаџерот на тимот Жозе Мурињо не му верува доволно. Ова би можело да предизвика 20-годишниот напаѓач да го напушти „Олд Трафорд“ во текот на летото ако португаелцот остане во клубот, пренесува „Мирор“.
Рашфорд беше стартер на само 5 од последните 16 натпревари на Манчестер Јунајтед, а бил особено незадоволен што доби само осум минути од дербито на Манчесре во саботата. Младиот напаѓач имаше 43 натпревари од почетокот на сезоната, но само 22 од нив ги започна од почеток. Трансферот во јануари на Алексис Санчез го убеди Рашфорд дека ќе одигра само епизодна улога за Мурињо во овој период.
„Маркус беше многу несреќен што остана на клупата во дербито, а ако Мурињо е тука следната сезона, Маркус можеби нема да остане, сака да започнува во секој натпревар”, изјави извор близок до Јунајтед.
Минатиот месец Мурињо влезе во спор со поранешниот менаџер на Кристал Палас, Франк де Бур, кој дозволил да го критикува Португалецот поради неговиот став кон Рашфорд. Англиските медиуми прават притисок кон Мурињо затоа што сметаат дека доколку Рашфорд добива поголема тоа би било добро и за негивата кариера во националниот тим на Англија.