Главната ѕвезда во тимот на европскиот шампион Реал Мадрид, Карим Бензема, сепак, нема да игра на дербито против Атлетико Мадрид.
34-годишниот напаѓач се повреди на натпреварот од групната фаза во Лигата на шампионите против Селтик (3-0), кој се одигра на 6 септември. Оттогаш тој нема одиграно ниту еден натпревар, но лекарите најавија скоро опоравување.
Французинот го пропушти денешниот утрински тренинг во Мадрид, а од клубот велат дека нема да го форсираат неговото закрепнување.
Реал Мадрид ќе ги одмери силите со Атлетико утре и имаше најава дека Бензема може да биде во тимот за ова градско дерби.