Реал Мадрид планира да го стави Еден Азар на трансфер пазарот, тврди „Марка“. Белгиецот никогаш не беше во можност да го покаже најдоброто од себе во последните две сезони на „Сантијаго Бернабеу“, а главната причина за тоа се повредите кои го прогонуваа.
Тој досега има одиграно само 43 натпревари за Реал Мадрид и се чини дека клубот е подготвен да се раздели од него за да направи буџет за нови засилувања.
Новиот тренер на Реал Карло Анчелоти е против таквата продажба и сака да го има во својот состав 30-годишниот фудбалер. Тој верува дека може да го извлече максимумот од Белгиецот доколку добие доволно време да работи со него. Во оваа фаза, сепак, сопствениците на клубот можеби нема да го исполнат барањето на италијанскиот тренер, особено ако добијат доволно добра понуда.
Интерес за Азар има од неговиот поранешен клуб Челзи. Доколку играчот биде официјално ставен на трансфер пазарот, најверојатно ќе се појават повеќе кандидати за неговиот потпис.