Facebook Twitter Instagram
    Спортско Радио 90.3
    • Дома
    • Фудбал
    • Кошарка
    • Ракомет
    • Тенис
    • Домашен микс
    • Меѓународен микс
    Спортско Радио 90.3
    Home»Фудбал»Реал Мадрид и Манчестер Сити во прва битка за финале во ЛШ
    Фудбал

    Реал Мадрид и Манчестер Сити во прва битка за финале во ЛШ

    risteBy riste09/05/2023No Comments3 Mins Read
    Facebook Twitter Pinterest LinkedIn Tumblr Email

    Реал Мадрид го пречекува Манчестер Сити во првиот натпревар од полуфиналето на Лигата на шампионите меѓу двата тима исполнет со многу ѕвезди. Повеќето стручњаци се децидни дека ова е своевидно финале пред финалето и победникот од оваа пресметка ќе биде големиот фаворит во финалниот меч во Истанбул, без разлика со кој од гигантите од Милано ќе се соочат.

    Средбата ќе биде интересен меч меѓу двајца големи фудбалски стручњаци како што се Карло Анчелоти и Пеп Гвардиола, кои го држат рекордот по бројот на полуфиналиња во Лигата на шампионите – со 9, односно 10. Шпанецот продолжува да го остварува својот голем сон, триумф во најпрестижниот европски клупски турнир со Манчестер Сити.

    Двата тима имаат своја историја во натпреварувањето, третпат во последните четири сезони се среќаваат во нокаут фазата од Лигата на шампионите. Минатата година Реал Мадрид драматично ги елиминираше своите ривали откако најпрвин загуби со 3:4 на „Етихад“, а во реваншот на Бернабеу имаше негатива од 0:1 до 90. минута, но двата гола на Родриго го одведоа натпреварот во продолжение, каде Карим Бензема реализираше од пенал за конечни 3:1. Сепак, во сезоната 2019/2020 „граѓаните“ го совладаа Реал Мадрид во осминафиналето по две победи со по 2:1.

    Кралскиот клуб веќе елиминира два англиски тима во ова натпеварување – Ливерпул и Челзи, а сигурно ќе сака да додаде и трет на списокот.

    Реал Мадрид оди во натпреварот со позитивна атмосфера откако го освои Купот на Кралот викендов, победувајќи ја Осасуна со 2:1.

    Во Ла Лига, Реал Мадрид немаат шанси да го достигнат лидерот Барселона и сега логично ќе ги вложат сите сили на натпреварите со Манчестер Сити. Карло Анчелоти нема да може да ги користи повредениот Ферланд Менди и Едер Милитао, кој е суспендиран. Очекувано на напаѓачките позиции шпанскиот гигант ќе се потпре на триото Родриго, Бензема и Винисиус кои се во одлична форма.

    Манчестер Сити, од друга страна, е во извонредна форма во моментов и забележа неверојатна серија од 10 последователни првенствени победи и 20 последователни натпревари во сите натпреварувања без пораз, последен пат тимот загуби со 1:0 од Тотенхем на 5 февруари. Машината на Гвардиола ги има сите шанси за тројна круна, води на табелата во Премиер лигата, а го очекува натпреварот од Лигата на шампионите и финалето на ФА Купот против градскиот ривал Манчестер Јунајтед.

    Манчестер Сити во досегашната елиминациска фаза на турнирот совлада два германски тима – РБ Лајпциг и Баерн (Минхен). „Граѓаните“ немаат особени кадровски проблеми, само Нејтан Аке е неизвесен за натпреварот во Мадрид. За Англичаните голем адут ќе биде феноменалниот Ерлинг Халанд, кој ги собори сите можни голгетерски рекорди во текот на сезоната, а поддршка најверојатно ќе му дадат Бернардо Силва и Џек Грилиш.

    Можни состави:
    Реал Мадрид: Куртоа, Карвахал, Рудигер, Алаба, Камавинга, Модриќ, Крос, Валверде, Родриго, Бензема и Винисиус Жуниор.
    Манчестер Сити: Едерсон, Волкер, Стоунс, Рубен Диас, Аканжи, Де Бруин, Родри, Гундоган, Бернардо Силва, Халанд и Грилиш.
    Судија: Артур Диас (Португалија)
    Стадион: „Сантијаго Бернабеу“

    Share. Facebook Twitter Pinterest LinkedIn Tumblr Email

    Related Posts

    Македонија против Словенија го затвора неуспешното поглавје во Лигата на нациите Б -лига

    16/11/2026

    Англиската репрезентација постави рекорд по натпреварот против Шпанија

    16/11/2026

    Баерн Минхен бара дури 300 милиони евра за Мајкл Олисе

    16/11/2026

    Leave A Reply Cancel Reply

    СПОРТСКО РАДИО 90.3 / ВО ЖИВО
    МАРКЕТИНГ
    Следете не на Facebook
    Најнови вести
    • Македонија против Словенија го затвора неуспешното поглавје во Лигата на нациите Б -лига
    • Македонија се запиша во историјата на Младинските олимписки игри Дакар 2026
    • Ален и Адријан Рустемовски од утре ги започнуваат натпреварите на ЕП ви бокс У-23
    • Англиската репрезентација постави рекорд по натпреварот против Шпанија
    • Баерн Минхен бара дури 300 милиони евра за Мајкл Олисе
    За Спортско Радио
    Почнувајќи од 22 февруари 2005 година, Спортското радио 90.3 фм емитува исклучиво спортска програма, со повеќе од 15 часовна програма во живо. Концепцијата на Спортското радио 90.3 фм е пред се, брзо и точно информирање за сите спортски настани. Спортското радио 90.3 фм има традиција, преточена во нов спортски звук!

    © 2026 ThemeSphere. Designed by ThemeSphere.

    Type above and press Enter to search. Press Esc to cancel.