Реал Мадрид вечерва од 21.00 часот го пречекува Челзи во реванш четвртфиналето на Лигата на шампионите. Првиот натпревар во Лондон заврши со победа од 3:1 во корист на шпанскиот гигант, кој ќе се обиде да го заврши започнатото од „Стемфорд Бриџ“.
Избраниците на Томас Тухел имаат два гола за надополнување, што се чини тешка цел. Гостите нема да се може да сметаат на својот белгиски напаѓач Ромелу Лукаку кој е повреден. Добра вест за Тухел е враќањето во составот на Сезар Аспиликуета, кој боледуваше од коронавирус. Надвор од комбинација на германскиот менаџер се и Калум Хадсон-Одој, Рос Баркли и Бен Чилвел. Во текот на викендот, Челзи го врати расположението во своите редови со победата од 6:0 над Саутемптон и ќе се обиде да ја пренесе на „Сантијаго Бернабеу“.
Во исто време, Карло Анчелоти беше задоволен од веста за враќањето на левиот бек Ферлан Менди, кој го пропушти последниот првенствен натпревар на „кралскиот клуб“. Сепак, надвор од комбинација на Италијанецот е италијанскиот дефанзивец Едер Милитао кој беше казнет. Неговото место ќе го заземе Начо. Нема да бидат во игра за оваа средба и Еден Азар и Ваљехо, но спремни за настап се Лука Јовиќ и Маријано Дијаз. Проблем за Реал дефинитивно ќе биде отсуството на Милитао во одбраната, но се е во ред со средниот ред и нападот.
Интересно, Челзи за прв пат во својата историја гостува на „Сантијаго Бернабеу“. Лошата вест за лондончани е што ниту еден клуб досега не бил успешен на првото гостување на теренот на Реал Мадрид. Тоа досега го постигнаа Ливерпул, Арсенал, Пари Сен Жермен и Јувентус, а дали на оваа листа ќе се приклучи и Челзи останува да видиме вечерва.
Веројатни состави:
Реал Мадрид: Куртоа, Карвахал, Начо, Алаба, Менди, Модриќ, Каземиро, Крос, Валверде, Бензема и Винисиус.
Челзи: Менди, Чалоба, Тиаго Силва, Рудигер, Алонсо, Ковачиќ, Канте, Џејмс, Маунт, Хаверц и Зијеш.
Стадион: „Сантијаго Бернабеу“- Мадрид
Судија: Марчињак (Полска)