Европскиот клупски шампион Реал Мадрид е заинтересиран за мексиканскиот играч од средниот ред на Порто Ектор Ерера, објавија шпанските медиуми.
Според извори, договорот Ерера истекува во јуни 2019 година, а Реал Мадрид потоа може да го земе како слободен играч. И дури и ако сакаат може да го откупат уште во текот на зимскиот преоден рок, затоа што откупната клаузула е многу мала.
Тренереот на Реал Мадрид Лопатеги се сретнал со фудбалерот за време на неговиот одмор во Лисабон каде што бил со сопругата и разговарал со Ерера за оваа можност. Самиот Ерера нема намера да го обнови договорот со Порто и се надева дека следниот чекор во неговата кариера ќе биде во поголем клуб.
Од јануари, Ерера, кој имаше одлични натпревари на Светското првенство во Русија, може да преговара со секој тим кој сака да го привлече.
Од почетокот на сезоната, 28-годишниот Ерера има одиграно пет натпревари и постигнато еден гол во лигата.