Македонската фудбалска репрезентација полека се собира во Скопје за престојните квалификациски средби со Полска и Австрија кои гостуваат на Националната арена „Филип Втори“ во Скопје на 7 и 10 јуни.
Нашата најдобра репрезентација првиот дел од подготовките ги започна без капитенот Горан Пандев, клупски обврски се уште имаат голманите Илиев и Шишковски, додека Адеми, Николов, Алиоски и Трајковски утре ќе бидат во стројот на селекторот Игор Ангеловски. Мала повреда на задната ложа има Дарко Велковски, но дефанзивецот на хрватска Ријека е во тренажен процес.
Македонската репрезентација утре има тренинг во 10:30 часот на тренинг центарот „Петар Милошевски“, на 30. (четврток) и 31. мај (петок), тренинзите се закажани во 11:00 часот.