Македонскиот репрезентативец Милан Ристовски и официјално од синоќа има нов клуб. Напаѓачот се врати во Спартак Трнава, која се договори за сите услови за да го добие младиот репрезентативен напаѓач.
Милан Ристовски, кој има 23 години, со голем успех го носеше дресот на Спартак Трнава во текот на изминатата сезона и со неговите голови даде придонес за пласман на оваа екипа во Европа. Играчот по добрите настапи во Спартак Трнава доби можност да настапи и на Еуро 2020.
По крајот на Европското првенство, Ристовски се врати во Ријека, но потоа следуваше раскин на договорот за повторно да дојде во Спартак Трнава. На неговата промоција во дресот на Спартак Трнаца, Милан Ристовски истакна:
„Горд и среќен сум што ќе имам шанса повторно да го носам дресот на овој клуб. Голема благодарност до мојата поранешна екипа Ријека. Се надевам дека ќе имаме добри резултати, затоа што сакам оваа сезона да биде наша најдобра сезона“, рече Ристовски.
Ристовски е роден во 1998 година и беше под договор со Ријека од 2017 до 2021 година, но никогаш не доби вистинската шанса во тимот од Хрватска и во главном играше со позајмици во други клубови.