Засилувањето на одбраната на Рома по заминувањето на Костас Манолас останува приоритет за клупското раководство.
Од Рома сакаат да го привлечат Даниеле Ругани од Јувентус, но најновите информации се дека разговорите за договор се неуспешни. Причината е што од Јувентус првично побараа 30 милиони евра, но потоа ги сменија условите, барајќи 24 милиони евра плус правата на младите Алесио Рикарди и Жан Челар.
Сепак, Рома го проценуваат дуото на 14 милиони, со што конечната сума изнесува 40 милиони – премногу според Рома. Самиот Рикарди објави пост на социјалните мрежи во кои стави до знаење дека не сака да ја напушта Рома и да замине во Јувентус. Челар пак е за цела сезона позајмен во Цитадела.
Во исто време, римскиот клуб е заинтересиран за дефанзивецот на Гремио Валтер Канеман. Аргентинецот, кој исто така има 5 натпревари за репрезентацијата на својата земја, вреди 10 милиони евра. Канеман е исто така трансферна цел на Фиорентина.