Првата ѕвезда на Јувентус Кристијано Роналдо, разговарал за плановите за трансфери во текот на летото со менаџментот на Јувентус.
Според весникот „Кориере Дело Спорт“, португалскиот фудбалер му кажал на раководството на италијанскиот гигант дека сака шест нови засилувања.
Двајца од нив се од Реал Мадрид, каде Роналдо играше девет сезони. Се работи за централниот дефанзивец Рафаел Варан и играчот од средниот ред Иско. И двајцата имаат несигурна иднина на „Сантијаго Бернабеу“, а Французинот е подготвен да замине. На листата се наоѓа името на ѕвездата на Бенфика Жоао Феликс. 19-годишниот напаѓач го сметаат за наследник на Кристијано Роналдо во Португалија поради одличниот напредок во кариерата што го има.
Другите три имиња се Костас Манолас од Рома, Федерико Киеза од Фиорентина и Танги Н’Домбеле од Олимпик Лион. Секако, Јуве ќе се обиде да привлече најмалку три од наведените играчи и тешко дека ќе може да ги купи сите. Се очекува во текот на летото дека „бјанконерите“ да се разделат со Паоло Дибала. Има интерес за Миралем Пјаниќ, но тој ќе се продава само доколу дојде многу поволна понуда.