УЕФА го казни напаѓачот на Јувентус, Кристијано Роналдо, со 20.000 евра за непристојниот гест што го направи на мечот со Атлетико Мадрид во Лигата на шампионите. Португалецот тогаш постигнаа хет-трик за победата на Јуве со 3:0 со што го однесе неговиот тим во четвртфиналето во Лигата на шампионите.
По натпреварот, Роналдо ја прослави победата со непристоен гест кој претходно го направи и тренерот на Шпанците, Диего Симеоне и тоа на првиот меч кога неговиот тим славеше со 2:0. И тој беше казнет само парично со истата сума.
Со денешната одлука на дисциплинската комисија, Роналдо ќе треба да плати само парична казна што значи дека ќе му биде на располагање на тренерот, Алегри, за мечевите со Ајакс во рамките на 1 /4 финалето во фудбалската елита на стариот континент.