Тимот на Јувентус е многу близу до финализирањето на трансферот на Кристијано Роналдо од Реал Мадрид, пренесува „Скај Спорт“.
Според медиумот во следните 48 часа ќе има дефинирање на многу работи по договорот и се очекува во текот на истото време од шпанскиот клуб да донесат конечната одлука како да постапат со понудата на „Старата Дама”, за која се претпоставува дека е во износ од 100 милиони. евро.
Во меѓувреме агентот на фудбалерот Жорже Мендеш зборувал пред португалскиот весник „Рекорд” по повод трансфер гласини: „Ако тоа се случи, ќе биде нов предизвик во неговата брилијантна кариера. Ако Кристијано го напушти Реал, тој ќе биде вечно благодарен на тимот, претседателот, сите директори, медицинскиот тим и воопшто сите луѓе во клубот, како и на сите поддржувачи на Реал Мадрид во целиот свет”, изјави Мендеш.
Од Италија стигна информацијата дека претседателот на Јувентус Ањели веќе полетал со својот приватен авион кон Грција каде во моментов е на одмор Кристијано Роналдо и каде ќе треба да се договорат деталите за договорот за трансфер во Јувентус.