Напаѓачот на Баерн, Садио Мане, ќе ги помине медицинските тестови за да ја заврши својата преселба во Ал Наср во понеделник вечер во Дубаи, објави новинарот Фабрицио Романо на Твитер.
„Нема тестови денес, како што беше претходно објавено. Дури по тестовите во понеделник ќе биде потпишан договорот“, пишува Романо.
Во летниот преоден рок овој клуб ги ангажираше Марсело Брозовиќ, Алекс Телес и Секо Фофана. Во клубот е португалецот Кристијано Роналдо, кој им се приклучи на Саудијците во зимата 2023 година.
31-годишниот сенегалски фудбалер Садио Мане има валиден договор со минхенскиот клуб до летото 2025 година. Според Трансфермаркт, играчот вреди 25 милиони евра.