Напаѓачот на Ливерпул, Мохамед Салах, може да го напушти англискиот клуб на лето, објави весникот „АС“.
Според изворот, причина за заминувањето на Салах може да биде неговиот конфликт со тренерот на Ливерпул Јирген Клоп, кој трае неколку месеци. Ситуацијата се влоши откако Клоп го замени Салах во 62-та минута од натпреварот од 29-то коло на англиската Премиер лига со Челзи (0:1), што предизвика незадоволство на египетскиот фудбалер.
Актуелниот договор на Салах со Ливерпул е до летото 2023 година. Салах се пресели во Ливерпул од Рома во 2017 година. Оваа сезона, 28-годишниот египетски фудбалер настапи на 26 натпревари во Премиер лигата, постигна 17 гола и 3 асистенции. Од 2011 година, Салах е дел од репрезентацијата на Египет.

