Раководството на Сампдорија води преговори со Саутемптон за привлекување на напаѓачот Маноло Габиадини, соопштува „Скај Спортс”.
Клубот од Џенова сака да го врати Габиадини во Калчо лигата со позајмица до крајот на сезоната со опција за купување во текот на летото за 12 милиони евра.
27-годишниот Италијанец е со статус на резерва на „Сент Мери”, а има постигнато само 1 гол во 12 натпревари за островјаните во Премиер лигата оваа сезона.
Габиадини беше донесен во Саутемптон од Наполи пред две години за 17 милиони евра, а на крајот на претходната сезона тој го постигна клучниот гол за победата над Свонси со 1:0 како гостин во првенството која му обезбеди опстанок на неговиот тим во елитата. Напаѓачот е следен уште од Болоња, Севиља и московските ЦСКА и Спартак.